Este pantalón cosino hai tempo e está xa máis que estreado (e si, aínda ten fíos colgando porque o estreou en canto saiu da máquina e logo xa non tiven paría a quitarllos, aix!), pero non tiña fotos para amosarvos, ó final esta semana ó volver do cole fíxenllas de calquera maneira na casa.
A tea de gatiños merqueina a petición da L. un día que a levei de recados comigo. Parecíame un horror porque non só eran gatiños, é que eran cadrados superpostos e non silueteados, pero merquei o anaco máis pequeno que puiden que fose aproveitable e prometín facerlle con ela unha camisola. Logo foi pasando o tempo e useina un par de veces na súa colcha, pero a camisola non acababa de chegar, así que cando vin que necesitaba un novo pantalón de chandal e ela me preguntou cando ía facerlle a camisola do gatiño decidín aproveitar para facer o que necesitaba e máis o que quería e pequei uns cantos gatos onde ela me pediu: no xeonllo, abaixo e nos petos.
O patrón volve ser a mesma mestura dos Yoga pants cos Relaxed fit da Ottobre 1/2014 no talle do que lle fixera a Z (teño que mirar cal era porque non lembro se o 128 ou o 134) pero cos puños máis curtos.
Son un exitazo.
que chulos , nao se parecen aos relaxed fit pequenos, ficaram ótimos!
ResponderEliminarPorque a parte de arriba é dos yoga pants, xa que a ningunha das dúas lles gustan os pantalóns de tiro baixo, queren cousas "normais" para desgracia da súa nai, jejeje
Eliminar